ఇండియన్ గవర్నమెంట్ మినిస్ట్రీ అఫ్ డిఫెన్స్ కి చెందిన భారత్‌ ఎలక్ట్రానిక్స్‌ లిమిటెడ్‌ (బెల్‌) కంపెనీ జాబ్ రిక్రూట్మెంట్ కోసం నోటిఫికేషన్ విడుదల చేసింది. ఈ కంపెనీ యొక్క హైదరాబాద్‌ యూనిట్‌లో ఖాళీగా ఉన్న 49 ప్రాజెక్ట్‌ ఇంజినీర్‌, మరియు ఇతర ఉద్యోగాల భర్తీకి నోటిఫికేషన్ రిలీజైంది. ఈ పోస్టులని కాంట్రాక్ట్‌ పధ్ధతిలో భర్తీ చేయనున్నారు. అయితే, ఈ పోస్టులకు సంబంధించి అభ్యర్థుల ఎంపిక అనేది వారి అకడమిక్‌ మార్కులు, అనుభవం, ఇంటర్వ్యూ ఆధారంగా చేస్తారు. మిగిలిన వివరాలు ఇలా ఉన్నాయి.
మొత్తం ఖాళీలు: 49
కంపెనీలో ఉన్న ప్రాజెక్ట్‌ ఇంజనీర్‌ పోస్టుల్లో భాగంగా ఎలక్ట్రానిక్స్‌ విభాగంలో 36 పోస్టులు, మెకానికల్‌ విభాగంలో 8 పోస్టులు, కంప్యూటర్‌ సైన్స్‌ విభాగంలో 4 పోస్టులు, హ్యూమన్‌ రిసోర్సెస్‌ విభాగంలో 1 పోస్టు ఖాళీలున్నాయి.
విద్యార్హతలు:
పోస్టులను బట్టి ఇంజనీరింగ్ లో… బీఈ/బీటెక్‌/బీఎస్సీ, హ్యూమన్‌ రిసోర్స్‌ స్పెషలైజేషన్‌లో… ఎంబీఏ/ఎంఎస్‌డబ్ల్యూ/ఎంహెచ్‌ఆర్‌ఎం/ఎంఏ కంప్లీట్ చేసి ఉండాలి. అలాగే ఆయా విభాగాలలో రెండేళ్ల అనుభవం కూడా తప్పనిసరి.
వయసు:
అభ్యర్థుల వయసు 28 ఏళ్లు మించకూడదు. రిజర్వేషన్లని బట్టి సడలింపులు ఉంటాయి.
ఎంపిక విధానం:
అభ్యర్థుల ఎంపిక అనేది అకడమిక్‌ మార్కులు, అనుభవం, ఇంటర్వ్యూ ఆధారంగా చేస్తారు.
వేతనం:
ప్రారంభ వేతనం రూ.35,000 ఉంటుంది. ఏడాది తర్వాత రూ.5 వేల చొప్పున పెంచుతారు.
దరఖాస్తు విధానం:
ఆన్‌లైన్‌ లో దరఖాస్తు చేసుకోవాల్సి ఉంటుంది.
దరఖాస్తు ఫీజు:
ఈ పోస్టులకి దరఖాస్తు చేసుకోవాలంటే… అప్లికేషన్‌ ఫీజు రూ. 500 చెల్లించాలి. ఎస్సీ/ఎస్టీ/పీడబ్ల్యూడీ అభ్యర్థులు ఫీజు చెల్లించాల్సిన అవసరం లేదు.
దరఖాస్తులకు చివరితేది:
ఆగస్టు 4, 2021
